Baba fal gjakun e djalit para varrit të Rugovës

Shiko temën e mëparshme Shiko temën pasuese Shko poshtë

Baba fal gjakun e djalit para varrit të Rugovës

Mesazh nga Agim Gashi prej Thu May 28, 2015 7:50 pm

Baba fal gjakun e djalit para varrit të Rugovës



Sadik Halilajt nga Skënderaj, ju deshën 9 vjet, me e falë gjakun e të birit të vramë.
Këtë vendim të vështirë, ai e mori pikërisht në 25-vjetorin e nisjes se Aksionit për Faljen e Gjaqeve në Kosovë, me në krye me Anton Çetën.
Baba i Liridonit, që s’kishte ma shumë se 19 vjet kur u vra, rrëfen për Televizionin Rrokum se ky vendim nuk ishte i lehtë.
Nuk asht lehtë, nuk asht lehtë, atehere kur u bojshin pajtime te gjaqeve kom qenë te Verat e Lllukës vetë, thosha asht punë e lehtë, pse s’ja fal ai, pse s’ja fal ky, pse nuk merr vendim? Po nuk kish qenë fort lehtë, vetem ai që provohet, e dhashtë Zoti nuk provohet askush, se nuk asht punë e lehtë, - tha ai për Rrokum.
Faljen e gjakut te djalit e vëllaut të tyne, familja Halilaj, për shumë arsye, kishte vendosë me e ba pranë varrit të ish-Presidentit të Kosovës, Ibrahim Rugova.
Kushtrim Halilaj, Vllau i Liridonit tha për Televizionin Rrokum: Sot kena vendosë me ba faljen e gjakut të Liridonit që asht vra në vitin 2006. Edhe zgjodhëm pikërisht te varri i Presidentit Rugova, se menduem që e kemi nji ideologji të përbashkët, paqen sigurisht. Ne duhet me besue ne vendin tonë, në drejtësine tonë, sado e brishtë qa asht ajo.
Për me respektue këte vendim e me përkrahë këtë familje, këtu erdhën edhe familjarët e Presidentit Rugova.
Me i dhanë kurajo familjes Halilaj, aty ishte edhe nji nismëtarëve te aksionit te pajtimit te gjaqeve, Ramiz Kelmendi.
E nji prej përkrahësve në qetësimin e gjaknave mes dy familjeve ishte prijësi fetar Dom Lush Gjergji.
Simbas tij, kjo asht forma e duhun për nderimin e atyne që nuk jetojnë ma.
Para tre ditesh erdhi te unë dhe më tha: Kam vendosë me e falë dhe kam vendosë në këtë formë dhe këtë mënyrë. E përkraha miqësisht dhe vllaznisht, dhe e përkraha qysh atëherë dhe vërtet uroj nga zemra që shqiptaret të kenë forcë dhe fuqi, t'i bashkendajnë dhimbjet vujtjet dhe t'i nderojnë ate të cilët janë nën dhè, - tha Dom Lush Gjergji për televizionin Rrokum.
Mirëpo pajtimi i gjaqeve mes familjes Halilaj e Dervishi, për vrasjen e Liridon Halilajt në vitin 2006, nuk kaloi pa lot e emocione.
28 Maj 2015
avatar
Agim Gashi
Administrator
Administrator

Numri i postimeve : 45956
Age : 63
Location : Kosovë
Registration date : 17/11/2008

Shiko profilin e anëtarit

Mbrapsht në krye Shko poshtë

Shiko temën e mëparshme Shiko temën pasuese Mbrapsht në krye

- Similar topics

 
Drejtat e ktij Forumit:
Ju nuk mund ti përgjigjeni temave të këtij forumi