AGIM GASHI:KU NA MBETI

Shiko temën e mëparshme Shiko temën pasuese Shko poshtë

AGIM GASHI:KU NA MBETI

Mesazh nga Agim Gashi prej Sat Jun 07, 2014 12:46 pm



AGIM GASHI
 
KU NA MBETI
 
Ku na mbeti besa e burrënia
Ku mbeti shpresa e dashunia
Ku mbeti ora e Dardanisë
Prap nën kthetrat e Serbisë
 
Ku ka mbetë humaniteti
Ku na mbeti uniteti
Ku ka mbetë e jonë mirësia
Ku është Kosova e ku Shqipëria
 
Ku na mbetën vorret e t´parëve
Ku amanetët e baballarëve
Ku mbetën lotët e nënave tona
Pse humbë çdo gjë që është e jona
 
Atje lart n´majë të Qyqavicës
Del e pyet Shote Galica
Pse po tkurrek kështu atdheu
Pse u nda Mitrovica
 
Në Graçanicë n´zemër t´Kosovës
Mu pranë kështjellave të Ulpianës
Ndihet fort vajtimi i Qyqes
Derdhet fort loti i nanës
 
Ku na mbeti pushka e t´parit
Që ushtonte në lindje të djalit
Aso krismash ma nuk ka
Se sot vritet vllau me vlla
 
Vritet vllau e zbrazen plumbat
N´trup t´shqiptarit të gjithë shkrepin
Humbin trupat  kallin kufomat
Për drrasa vorri ma s´prehet plepi
 
II
Ku na mbeti ore bujaria
Kur na vinte miku te shpia
Sundon frika  ma ska besë
Bëhemi popull i pa shpresë
 
Ku ka mbetë e shejtë miqësia
Ja zuni vendin anmiqësia
Vrajnë e prejnë me atentatë
Shtri për tokë atdheu i ngratë
 
Ooooo  ku mbeti dashunia
Që sundonte në këto shkrepa
Ku e kam vajzën e ku djalin
Del e pyet kjo nanë shkreta
 
Ku na mbeti besa e nderi
Ma nuk gjendet as te mali
Përdoret droga sundon kurvënia
Te burri e gruja ka humbë morali
 
Nuk ka ma nderime atnore
Dashuni ska as për fëmi
Se mendon që dikund ka Zot
E lind fmiun e gjuen në Dri
 
Politika ku na mbeti
Kush e ban atë me dredhi
Analfabetat e hajdutët
Bajnë pazare me Serbi
 
Shesin vendin copa-copa
Shkelin varret e lirisë
I ka ardhë mallkim nga Zoti
Si Kosovës ashtu Shqipnisë
 
III
Ku ashtë tymi mbi oxhaqe
Ku na mbeti oda shqiptare
Ma ska burra me pajtue gjaqe
Nderi i kombit për hajgare
 
Ku na mbetën arat tona
Atë pasuri që e kishim pak
E shiten lirë Karaxhozat
Tash pronarin turkoshak
 
Bahen garat si në luftë
Nuk zgjedhin mjete me marr pushtetin
Jo për popullin e atdheun
Si me vjedh e me shitë shtetin
 
Po e luti Zotin nga mërgimi
Zoti ynë o Zoti i shqiptarëve
Shqip të luti si ke thane Ti
Kthe krenarinë e të parëve
 
Ktheje nderin dhe dashuninë
Që e kishim për njeni tjetrin
Atëherë nderohej populli e atdheu
E i riu nderonte t´vjetrin
 
Ktheja bukën popullit tim
Si ka mbetë asgja në kosh
Ia vodhen kriminelat
Tash duron me barkun bosh
 
Po përkulem O Zoti Ynë
Bashkë me Ty luti shqiptarët
Vasha e djem kush e do atdheun
Eni bashkë n´rrugën e t´parëve
 
Amanetet vershuen qiellin
Jehojnë nga varri i Skënderbeut
Lidhni besë me nder t´punoni
Sdurohet ma gjama e atdheut
 
07.06.14

Düren
avatar
Agim Gashi
Administrator
Administrator

Numri i postimeve : 45956
Age : 63
Location : Kosovë
Registration date : 17/11/2008

Shiko profilin e anëtarit

Mbrapsht në krye Shko poshtë

Re: AGIM GASHI:KU NA MBETI

Mesazh nga Agim Gashi prej Sat Jun 07, 2014 12:47 pm

avatar
Agim Gashi
Administrator
Administrator

Numri i postimeve : 45956
Age : 63
Location : Kosovë
Registration date : 17/11/2008

Shiko profilin e anëtarit

Mbrapsht në krye Shko poshtë

Shiko temën e mëparshme Shiko temën pasuese Mbrapsht në krye

- Similar topics

 
Drejtat e ktij Forumit:
Ju nuk mund ti përgjigjeni temave të këtij forumi