Agim Gashi:Pritëm atdhe se po vi

Shiko temën e mëparshme Shiko temën pasuese Shko poshtë

Agim Gashi:Pritëm atdhe se po vi

Mesazh nga Agim Gashi prej Sun Jun 16, 2013 10:32 am



 Agim Gashi:Pritëm atdhe se po vi

A më ndëgjon oj tokë arbërore
Janë qorrue sytë e mi,
Nuk kam qare pa të ardhë
Me u qmallë edhe njëherë me Ty.

I ti më e mira nëna ime
Nga merzia spo shof me sy,
Bëhu gati për përqafime
Pritëm, pritëm se po vi.

Pritëm ti në derë t´oborrit
Mbaju fort mos mbaj mërzi,
Kam me ti puthë rrudhat e ballit
Kam me ti puthë ata dy sy.

I falem miku tim Jakupit
Dhe mikeshës Valentinë,
Ma mundsuan që t´fluturoj
Ajr Arbërie të thith n´Prishtinë.

Ndoshta është hera e fundit
Që tek ti unë nesër vi, 
O moj toka ime madhështore
Moj e dashura Arbëri.

Sa do t´më rrokë mua lumturia
Oj Dardani vendlinja ime,
Do ju rrokë e fus në gji
Ty tokëbekuar dhe nënën time.

Do të shkoj dhe n´Karadak,
Do të shkoj edhe n´Dukagjin, 
Me shkri mallin e kurbetqarit
Sa do t´knaqet shpirti im.

Do ta shetis anë e mbanë Llapin
Tanë Drenicën e te Llapusha, 
Atë Gjakovë dhe Prizerenin
Do ti shof male dhe fusha.

Do ti shof lumej e liqene
Me ujë të kthjellët sikur loti,
Ah shumë kohë që si shijova
N´kurbet t´zi më kaloj moti.

Do të shkoj edhe te varret
Ti shpaloj mbi to kujtimet, 
Te shumë dëshmorëve të lirisë
Por edhe te varret e familjes sime.

E mbi varr të babit tim
Do ti vej disa kurora,
Do t´shkoj te varri i Adem Jasharit
Dhe ku pushon President Rugova.

Do të shkoj dhe n´Rahovec
Në një familje shumë të mirë, 
Të mikut tim Adem Bershës
Që na iku pa lamtumirë.

Ndersa lulet bregut t´Sitnicës
Në kurora do ti lidh, 
Do ja vej nënës në ball
Se e ka shpirtin e dlirë.

Do t´qendroj unë disa ditë
Në atdhe që më t´bukur ska, 
E kur t´kthehem n´kurbet të zi
Prap do t´nxihet kjo dynja.

Ah kurbet të t´rroktë kanceri
Sa shumë zemrat i ke nxi, 
E sa shumë gjak të shqiptarit
Si kulçedra na e ke pi.

Porse shpresat skem me i humbë
Se një ditë do të bashkohemi,
Me kujtimet e kurbetit
Me atdhe tonin do t´krenohemi.

O atdheu im i shtrenjët
Për Ty kam shumë dashuri, 
Hapi krahët e dashurisë
Edhe pritëm se po vi.

Tash bi n´gjuj e të përgjërohem
Të përbej në lot e vaj,
Gjithë atë mund që dhash për Ty
Tani ti, mu mos më vraj!

05.06.12
Düren
avatar
Agim Gashi
Administrator
Administrator

Numri i postimeve : 45956
Age : 63
Location : Kosovë
Registration date : 17/11/2008

Shiko profilin e anëtarit

Mbrapsht në krye Shko poshtë

Agim Gashi:DALLGË DETI E DALLGË SHPIRTI

Mesazh nga Agim Gashi prej Sun Jun 16, 2013 10:37 am







Agim Gashi

DALLGË DETI E DALLGË SHPIRTI

Dallgët deti sonte ka ngritë,
i ka ngritë dhe shpirti im.
Ah si shkon kjo jetë mizore
asnjë ditë nuk kam qetsim.

Ushtojnë dallgët fryn murlani
ndali pak o deti im,
ta shikoj se mos po ndalen
edhe dallgët e shpirtit tim.

Dallgë, ngrihen si për kiameti
dhe gjasojnë me një cunam.
Pse çuditem me dallëgë deti,
kur tanë jetën cunam e kam.

Sonte gjumi më ka ikë.
Shiqoj orën e s’shof dot.
Shof Yllin e mëngjezit.
Me dallgë shpirti prap lufton.

Dallga e detit si cunami
ma e lehtë më duket mu‘,
se sa dallga e shpirtit tim
që m´ka djegë e përvlu.

Fli moj dallgë dhe ti së pakut,
pse shkund detin e shpirtit tim?
Peshë m’i ngre valët e gjakut,
dallgë, dallgë, në dallgëzim.

II

Rri pranë detit i vetmuar
me pulëbardhat bëj shoqëri,
mendja m´shkon te deti Jon
që lag brigjet në Arbëri.

Ju pulëbardha që flutroni
Nëpër detna tuj kalu,
kur t´kaloni mbi ujra t´Arbërit
ndaluni pak për me pushu.

Ndaluni në brigjet shqiptare,
dallgëve atje me u tregu
se edhe kur s´jeni të qeta
ju nderoj edhe fort ju du.

Sepse jeni dallgët e mia
andaj ju lus për pak qetësi.
Valë të buta e të shtrira,
don sot nëna Shqipëri

Kur t´qetsohen dallgët shqiptare,
do qetsohen dhe dallgët e mia.
Bashkë do t´marrim tjetër pamje,
Rroftë Kosova e rroftë Shqipëria!

Nga Borkumi n´Deti t´Veriut,
ndaluni edhe në Sazan
Ishulli - ishullin përshëndesni,
Vëlla më ke e vëlla të kam...


03.03.2010-Borkum

 
avatar
Agim Gashi
Administrator
Administrator

Numri i postimeve : 45956
Age : 63
Location : Kosovë
Registration date : 17/11/2008

Shiko profilin e anëtarit

Mbrapsht në krye Shko poshtë

Re: Agim Gashi:Pritëm atdhe se po vi

Mesazh nga Agim Gashi prej Sun Jun 16, 2013 10:53 am

avatar
Agim Gashi
Administrator
Administrator

Numri i postimeve : 45956
Age : 63
Location : Kosovë
Registration date : 17/11/2008

Shiko profilin e anëtarit

Mbrapsht në krye Shko poshtë

Re: Agim Gashi:Pritëm atdhe se po vi

Mesazh nga Sponsored content


Sponsored content


Mbrapsht në krye Shko poshtë

Shiko temën e mëparshme Shiko temën pasuese Mbrapsht në krye

- Similar topics

 
Drejtat e ktij Forumit:
Ju nuk mund ti përgjigjeni temave të këtij forumi