Pasqyra e zezë e trojeve shqiptare

Faqja 1 e 11 1, 2, 3 ... 9, 10, 11  Next

Shiko temën e mëparshme Shiko temën pasuese Shko poshtë

Re: Pasqyra e zezë e trojeve shqiptare

Mesazh nga Agim Gashi prej Tue Mar 17, 2009 11:59 pm

Shpërthim në Mitrovicë






Në afërsi të lagjes “Tre rrokaqiejt” në veri të Mitrovicës ka ndodhur një shpërthim, si pasojë e të cilit fatmirësisht nuk ka të lënduar në njerëz, por ka vetëm dëme materiale, ka thënë për Kosovapress zëdhënësi i Policisë rajonale të Kosovës për Mitrovicë, Besim Hoti.
Hoti ka konfirmuar se shpërthimi ka ndodhur rreth orës 19.00 dhe tash për tash nuk dihet se për çfarë lloj mjeti shpërthyes bëhet fjalë.
“Besohet të jetë një lloj granate dore, por kjo do të konfirmohet nga ekspertët e KFOR-it për identifikimin e mjeteve shpërthyese”, ka thënë Hoti, duke shtuar se si pasojë e shpërthimit janë dëmtuar dy vetura civile, si dhe janë thyer xhamat e një ndërtese në zonën e “Tre rrokaqiejve”.
Nuk ka persona të dyshuar në lidhje me rastin, ndërkohë që situata raportohet të jetë e qetë.
“Nuk ka reagime të banorëve dhe tash për tash situata është e qetë”, ka pohuar Hoti.
Shpërthimi i sontëm është në mesin e shumë të tillëve që kanë ndodhur kohëve të fundit në veri të Mitrovicës. Të enjten mbrëma kanë ndodhur dy shpërthime në Lagjen e Boshnjakëve, por fatmirësisht nuk ka pasur të lënduar në njerëz.
avatar
Agim Gashi
Administrator
Administrator

Numri i postimeve : 45956
Age : 63
Location : Kosovë
Registration date : 17/11/2008

Shiko profilin e anëtarit

Mbrapsht në krye Shko poshtë

Vdes 8 vjeçari nga kafshimi i qenve endacakë

Mesazh nga Agim Gashi prej Wed Mar 18, 2009 11:04 pm

Vdes 8 vjeçari nga kafshimi i qenve endacakë







Një fëmijë i moshës tetë vjeçare, nga fshati Karaqevë i Komunës së Kameicës, ka vdekur sot - si pasojë e plagëve të shkaktuara nga kafshimet e qenve endacakë.

Policia njofton se fëmija ishte duke u kthyer nga shkolla, derisa në rrugë ishte “takuar” me qenët endacakë, për të përfunduar i vdekur.

“Sot rreth orës 15:20 policia në nënstacionin policor të Muqivërcës kishte pranuar informatën për një incident në fshatin Karaqevë e Poshtme – Kamenicë.
Patrulla policore me të arritur në vendin e ngjarjes kishte kuptuar se një fëmijë 8 vjeçar (i gjinisë mashkullore) derisa po kthehej nga shkolla për në shtëpi ishte sulmuar nga një grumbull i qenve endacak”, thuhet në njoftimin e Policsë.

Viktima ishte dërguar menjëherë në Qendrën e Mjekësisë Familjare në Kamenicë por si pasojë e lëndimeve të marra i njëjti kishte ndërruar jetë.

Në vend të ngjarjes kanë dalë edhe njësiti i hetimeve të Drejtorisë Rajonale të Gjilanit, njësia e forenzikës dhe është njoftuar prokurori publik.

Ngjarja ka ndodhur një kilometër lag shtëpisë së fëmijës, identiteti i të cilit nuk është bërë i ditur.

Policia e Kosovës apelon tek të gjithë qytetarët që të kenë kujdes dhe t`i shoqërojnë fëmijët nëpër rrugë të pabanueshme.
avatar
Agim Gashi
Administrator
Administrator

Numri i postimeve : 45956
Age : 63
Location : Kosovë
Registration date : 17/11/2008

Shiko profilin e anëtarit

Mbrapsht në krye Shko poshtë

Rexhepi kërkon arrestime për incidentin te “Tre rrokaqiejt”

Mesazh nga Agim Gashi prej Wed Mar 18, 2009 11:13 pm

Rexhepi kërkon arrestime për incidentin te “Tre rrokaqiejt”








Nga Express më 18.03.2009 në ora 13:26

Kryetari i Komunës së Mitrovicës, Bajram Rexhepi, ka reaguar ndaj shpërthimit që ka ndodhur të martën në mbrëmje në zonën e “Tre rrokaqiejve” në veri të qytetit, njëherësh ka kërkuar nga strukturat e sigurisë që të marrin masa për identifikimin e kryesve të këtyre incidenteve si dhe arrestimin e tyre.

Mosarrestimi i personave të përfshirë në incidentet që janë duke ndodhur në këtë pjesë të qytetit, sipas tij, kanë trimëruar strukturat paralele serbe, të cilat kanë për qëllim që të mbajnë gjendjen të tensionuar.

“Moszbardhja e këtyre rasteve ku dyshohet se është qërim hesapesh në mes të grupeve kriminale serbe, krijon konfuzion në opinion dhe shqetësim për banorët e asaj ane”, tha kreu i komunës së Mitrovicës.

Ai vlerësoi se arrestimi i tyre do të ishte mesazh për të gjithë ata që përfshihen në krime dhe askush nuk do të tolerohet të jetë mbi ligjin.

Në anën tjetër, ai shprehu admirimin për vetëpërmbajtjen e qytetarëve, të cilët janë treguar të përgjegjshëm përkundër provokimeve të shpeshta me të cilat janë duke u përballur.

Kryetari Rexhepi kërkon që strukturat përgjegjëse të jenë më energjike në luftimin e këtyre grupeve kriminale, të cilat kanë për qëllim krijimin e një imazhi jo të mirë për Kosovën.
avatar
Agim Gashi
Administrator
Administrator

Numri i postimeve : 45956
Age : 63
Location : Kosovë
Registration date : 17/11/2008

Shiko profilin e anëtarit

Mbrapsht në krye Shko poshtë

Re: Pasqyra e zezë e trojeve shqiptare

Mesazh nga Agim Gashi prej Wed Mar 18, 2009 11:15 pm

Kërcen nga kati i shtatë


Nga Express më 18.03.2009 në ora 18:36

Një i ri i moshës 23 vjeçre ka kërcyer sot nga kati i shtatë i banesave në Lagje “Dardania”, në Prishtinë. Sipas policisë, viktima ka pasur lëndime të rënda trupore, derisa është dërguar me shenja jete në Qendrën Klinike Universitare të Kosovës.

Zëdhënësi i Policisë, Arbër Beka, njoftoi se ende nuk dihen motivet që kanë shtyrë këtë të ri të kërcej nga banese, por ka njoftuar se hetimet janë duke vazhduar.
avatar
Agim Gashi
Administrator
Administrator

Numri i postimeve : 45956
Age : 63
Location : Kosovë
Registration date : 17/11/2008

Shiko profilin e anëtarit

Mbrapsht në krye Shko poshtë

Re: Pasqyra e zezë e trojeve shqiptare

Mesazh nga Agim Gashi prej Fri Mar 20, 2009 12:43 am




Foto: Jetmir Idrizi

Varroset 8 vjeçari


Nga Besiana Xharra më 19.03.2009 në ora 17:51

Karaqevë, Kamenicë 19 mars – Qindra qytetarë morën pjesë në varrimin e 8 vjeçarit Erion Funiqit, i cili u gjet i vdekur nga kafshimet e 7 qenve endacak që e kishin sulmuar derisa po kthehej nga shkolla.

I kafshuar, në të gjitha pjesët e trupit, atë e gjen të vdekur në rrugën ku po kthehej për në shtëpi, axha i vet.

Kështu, sot, një ditë pas kësaj tragjedie, ai u varros, në fshatin Karaqevë të Kamenicës. U përcoll nga familjarët, qytetarët e shumtë, nxënësit e mësuesit e shkollës ku ai vijonte mësimin si dhe nga disa qeveritarë të cilët kishin ardhur për të ngushëlluar familjen Funiqi.

I tmerruar nga kjo tragjedi, babai i fëmijës fajësoi kryetarin e Kamenicës që nuk ka lejuar të vriten qentë endacak, pasi janë me numër të madh në fshatin ku ata jetojnë. Ndërkohë ai porositi të gjithë prindërit që të mos lejojnë që fëmijët e tyre të shkojnë vetëm në shkollë.
“Ashtu si më ka ndodh mu, mundet mi ndodh edhe prindit tjetër. Andaj ju lus të gjithëve që ti përcillni fëmijët kur dalin në shkollë dhe kur kthehen”, u shpreh babai i Erionit, Shaban Funiqi.

Kurse, Enver Hoxhaj, ministër i arsimit, e siguroi atë dhe gjithë banorët tjerë se do të punoj në maksimum se rastet e tilla të mos përsëriten më.

“Në emër të Qeverisë Kosovës dhe Kryeministrit, i siguroj banorët e kësaj ane se do të marrim masa që të ketë siguri për të gjithë nxënësit që rastet e tilla të mos ndodhin më. Përpjekjet tona në këtë drejtim do të jenë maksimale”, u shpreh Hoxhaj.
avatar
Agim Gashi
Administrator
Administrator

Numri i postimeve : 45956
Age : 63
Location : Kosovë
Registration date : 17/11/2008

Shiko profilin e anëtarit

Mbrapsht në krye Shko poshtë

FBI arreston kontrabandistët shqiptarë

Mesazh nga Agim Gashi prej Fri Mar 20, 2009 10:29 pm

FBI arreston kontrabandistët shqiptarë




Nga 26 anëtarët e grupit, pesë vetë ende janë në kërkim – FBI i drejtohet për ndihmë komunitetit ndërmjet gazetës Illyria: Na ndihmoni të kapim të kërkuarit Myfit Dika banues në Wyckoff, Kujtim Lika nga Little Falls dhe Gazmir Gjoka, 55 vjeç, nga Yardsville të tre nga New Jersey, si dhe 32 vjeçarin Roden Kote, 32 nga Philadelphia e Rasim Corhamzic, nga Kanadaja.

Nga Ruben Avxhiu më 20.03.2009 në ora 20:18

Një numër shqiptarësh janë arrestuar këto ditë nga FBI në kuadrin e zbulimit të një rrjeti të trafikimit të drogës, armëve dhe të cigareve kontrabandë këtu në SHBA por edhe nëpër Europë.
Rrjeti i kontrabandës ka qenë i gjerë dhe përfshinë edhe Shqipërinë, Kosovën, Maqedoninë, Serbinë dhe Hollandën.

Operacioni është kryer me sukses nga dega e FBI-së për shtetin e New Jersey-t dhe është titulluar “Shqiponja e Zezë”. Emri i operacionit tregon praninë themelore të shqiptarëve në këtë rrjet trafikimi që ka përfshirë edhe trojet tona.

“Ky rast dëshmon se sa global është bërë sot krimi”, komentoi për median, Weysan Dun, agjenti special i FBI-së që njoftoi për arrestimin e 17 nga 26 të akuzuarit për pjesëmarrje në organizatën kriminale.

Ashtu si në rastin e vëllezërve Duka, edhe kësaj here, FBI ka infiltruar agjentët e saj brenda grupit trafikues dhe ka përgjuar aktivitetet e tij në New Jersey, Brooklyn dhe Staten Island.
Agjentët e FBI-së të maskuar si keqbërës kanë rënë në kontakt me rrjetin dhe kanë blerë prej tyre 30,000 pilula të drogës “Ecstasy”, 2.5 kile heroinë, një revolver 9mm pushkë automatike dhe argjendari të vjedhura.

Dy nga drejtuesit kryesorë të rrjetit trafikues janë shqiptarët Myfit Dika banues në Wyckoff të New Jersey-t dhe Kujtim Lika nga Little Falls i po atij shteti. Të dy janë 44 vjeçarë dhe asnjëri prej tyre nuk është kapur dot e janë në kërkim. Në kërkim është edhe dhe Gazmir Gjoka, 55 vjeç, nga Yardsville, Mercer County.

Dy nga të arrestuarit janë dy pilotë amerikanë Louis Luyten (i lindur në Belgjikë), 71 vjeç dhe Paul Robinson, 61, të dy nga Glastonbury, Connecticut, të cilët u regjistruan nga FBI në shkurt në një apartament në Atlantic City duke rënë dakord me një agjent të fshehtë të FBI-së për dërgimin e 10 kile kokaine nga Florida në një aeroport në Ocean City. Dyshja mori në dorëzim paketa pluhuri të bardhë që i kujtonin për drogë dhe i fluturuan në New Jersey në 5 mars ku morën në shkëmbim 15,000 dollarë nga një tjetër agjent i fshehtë i FBI-së.

Grupi që akuzohet për trafik e kontrabandë ka kryer mbledhje pune që janë përgjuar nga FBI në Fort Lee, Elizabeth, Elmwood Park, Clifton, Buena, Atlantic City e zona të tjera të New Jersey-t si edhe në New York, Chicago, Toronto, Miami dhe Hartford, Connecticut.

Kontrabandistët kanë biseduar me agjentët e fshehtë të FBI-së edhe për pastrim parash, marrëveshje për importimin e sasive të mëdha droge përfshi edhe kokainë, marihuanë, steroide anabolikë dhe rreth një milion pilula "Ecstasy" nga vende si Turqia e Greqia.

FBI tani ka sekuestruar më shumë se 500,000 dollarë në dorë, si dhe dy aeroplanët që besohet se janë përdorur për transportimin e drogës dhe mallrave të tjerë të paligjshëm. Njëri nga avionët u kap në "Lincoln Park Airport" në New Jersey ndërsa tjetri në "Hartford-Brainard Airport" në Connecticut.

Një pjesë e shqiptarëve të angazhuar në këtë rrjet nuk kanë pasur qëndrim të ligjshëm në SHBA dhe shërbimi i emigracionit është angazhuar për verifikimin dhe ndalimin e tyre.
Dy të arrestuar të tjerë janë Peter Manna, 29 dhe Miguel Almanzar, 31, që të dy nga Paterson, New Jersey, të angazhuar në kontrabandën e cigareve.

Disa nga shqiptarët e arrestuar banojnë në Bergen County; Wayne dhe Clifton, në Passaic County; në Chicago; në Philadelphia; në Brooklyn, në Ridgewood, N.Y.dhe në Kanada.
32 vjeçari Roden Kote, 32 vjeçar nga Philadelphia dhe Rasim Corhamzic, nga Kanadaja, janë gjithashtu në kërkim por pritet të kapen shpejt.

FBI i kërkon ndihmë komunitetit nëpërmjet gazetës “Illyria”

Gjatë një bisede me Bryan L Travers që mbulon marrëdhëniet me publikun në zyrën e FBI-së në New Jersey, mësojmë se FBI ka shpallur një shpërblim financiar për të gjithë ata që do të japin të dhëna të verifikueshme që do të ndihmonin në kapjen e të kërkuarve.

Agjenti special Travers duke folur nëpërmjet “Illyria”-s gazetës së komunitetit shqiptar në SHBA, i ftoi shqiptaro-amerikanët që të bashkëpunojnë me agjentët federalë për të mos lejuar që të akuzuarit për krime t’i shpëtojnë drejtësinë.

“Çdo informacion është i nevojshëm”, thotë Travers. “Për shembull, pija e preferuar, lloji i cigareve që pinë, restorantet që preferojnë etj).

Ai i fton shqiptaro-amerikanët që të telefonojnë zyrën e FBI-së në New Jersey, në numrin 973-792-3000.

“Nëse nuk dinë anglisht, le të na lënë një mesazh dhe një numër telefoni e dikush që flet shqip do t’i thërrasë shumë shpejt”, thotë agjenti Travers për gazetën “Illyria”.
Më poshtë vijon lista e të arrestuarve dhe atyre që po kërkohen, e cila iu komunikua në mënyrë ekskluzive gazetës “Illyria” nga zyra lokale e FBI-t:

Lista e të arrestuarve gjatë pesë ditëve të fundit:

Peter Manna, vjeç 29, nga Paterson, New Jersey
Pablo Almanzar, vjeç 30, nga Paterson, New Jersey
Harjrudin Pejcinovic, vjeç 39, nga Brooklyn, New York
Adis Radoncic, vjeç 30, nga Brooklyn, New York
Lou Degidio, vjeç 38, nga Brooklyn, New York
Eugene Degidio, vjeç 44, nga Brooklyn, New York
Paul Robinson, vjeç 61, nga Glastonbury, Connecticut
Louis Luyton, vjeç 71, nga Glastonbury, Connecticut
Ervis Gjoni, vjeç 23, nga Staten Island, New York
Galitiano Gjoni, vjeç , nga Staten Island, New York
Sviatlana Aheyeva, vjeç 24, nga Clifton, New Jersey
Minir Rizvani, vjeç 31, nga Wayne, New Jersey
Mile Petkovski, vjeç 49, nga Lodi, New Jersey
Jason Patrick, vjeç 30, nga Canada (i zhvendosur dhe arrestuar Manhattan, New York)
Perparim Billa, vjeç 38, nga Ridgewood, New York
Abdul Al-Houssaine, vjeç 42, nga Brooklyn, New York
Mirsad Kolasinac, vjeç 36, nga Hackensack, New Jersey

Katër të akuzuar qenë të arrestuar qysh më parë për arsye të tjera

Alban Tase, vjeç 34, nga Chicago, Illinois
Gejsi Siko, vjeç 29, nga Chicago, Illinois
Gentian Naci, vjeç 33, nga Chicago, Illinois
Christopher Curanovic, vjeç 28, nga Brooklyn, New York

Pesë të akuzuar janë ende në kërkim:

Roden Kote, vjeç 32, nga Philadelphia, aktualisht në Shqipëri dhe pritet që të dorëzohet
Rasim Corhamzic, vjeç 42, nga Canada
Myfit Dika, vjeç 44, nga Wycoff, New Jersey
Kujtim Lika, vjeç 44, nga Little Falls, New Jersey
Gazmir Gjoka, vjeç 55, nga Yardville, New Jersey –ky i fundit besohet të jetë jashtë Shteteve të Bashkuara të Amerikës
avatar
Agim Gashi
Administrator
Administrator

Numri i postimeve : 45956
Age : 63
Location : Kosovë
Registration date : 17/11/2008

Shiko profilin e anëtarit

Mbrapsht në krye Shko poshtë

Re: Pasqyra e zezë e trojeve shqiptare

Mesazh nga Agim Gashi prej Fri Mar 20, 2009 11:11 pm

Foshnja e braktisur në kontejner


Nga Express më 20.03.2009 në ora 17:52

Një foshnjë e porsalindur e gjinisë mashkullore është gjetur e braktisur në një kontejner në një nga lagjet e Rahovecit, konfirmoi të premten policia rajonale në Prizren.

Zëdhënësi rajonal i policisë në Prizren, Hazir Berisha tha se në mëngjesin e të premtes një qytetar ka informuar policinë në Rahovec se në rrugën “Sadedin Hajda”, në një kontejner, ka gjetur një foshnje të braktisur.

Ai tha se foshnjën e gjinisë mashkullore e ka gjetur në një paketë të mbështjellë me peshqir dhe një pelenë, ndërsa ishte dëgjuar duke qarë.

Togeri Berisha tha se personi që kishte gjetur foshnjën e kishte marrë në automjetin e tij për ta ngrohur pasi që jashtë bënte ftohtë.

“Nga vendi i ngjarjes, policia ka dërguar foshnjën në repartin gjinekologjik të Shtëpisë së Shëndetit në këtë qytet dhe më pastaj foshnja e porsalindur duhet të dërgohet në QKUK
në Prishtinë për trajtim të mëtejmë”, tha ai. (KosovaLive)
avatar
Agim Gashi
Administrator
Administrator

Numri i postimeve : 45956
Age : 63
Location : Kosovë
Registration date : 17/11/2008

Shiko profilin e anëtarit

Mbrapsht në krye Shko poshtë

I ruajnë objektet fetare

Mesazh nga Agim Gashi prej Fri Mar 20, 2009 11:15 pm

I ruajnë objektet fetare




Policia e Kosovës ka marrë përgjegjësi për ruajtjen e objekteve e kulturore e fetare. Qasja e policisë së Kosovës në ruajtje e sigurisë se këtyre objekteve zë një vend të veçantë në zbatimin e ligjit dhe aktiviteteve për çka edhe është e thirrur policia .Vetëm gjatë muajit shkurtë policia e Kosovës ka marrë përsipër 17 objekte fetare.

Nga Syzana Frrokaj më 20.03.2009 në ora 14:19

Sigurimi i trashëgimisë , përkatësisht objekteve kulturore e fetare është një fushë që tash së fundi i është shtuar policisë së Kosovës në bazë të ligjeve të Republikës së Kosovës. Policia e Kosovës më aktivitete të ndryshme ka vazhduar në luftimin e dukurive negative në këtë drejtim, u bë e ditur në konferencën e rregullt për media të Policisë së Kosovës.

Më thirrjen e përgjegjësive policia e Kosovës ka pasur dhe ka bashkëpunim të vazhdueshëm me institucionet e huaja dhe ato vendore .

’’Bashkëpunim të ngushtë kemi me Ministrin e Kulturës Rinis dhe Sporteve, me zyrën civile ndërkombëtare , me zyrtarët e EULEX-it’’, theksoi togeri Besart Shaqiri .

Duke u thirrur nga ligjet e kushtetutës së Kosovës dhe në bazë të dokumentit të Ahtisarit , policia e Kosovës ka për detyre sigurimin e objekteve Fetare e kulturore.

‘’Në bashkëpunim me ministrinë e kulturës , me zyrtarët e ICO dhe EULEX-it , kemi ardhur deri tek hartimi i një urdhri operativ për sigurinë e objekteve fetare’,tha Shaqiri.

Sipas zyrtarëve të policisë qëllimi i këtij urdhri është ofrimi i sigurisë së këtyre objekteve fetare serbe ortodokse në Kosovës duke u bazuar në dokumentin e Ahtisarit.

Dokumenti i Ahtisarit e kushtëzon policinë që planifikime operacionale në drejtim të sigurisë se këtyre objekteve , po ashtu edhe kushtetua e Kosovës dhe ligjet që janë në tërësi.

Në bazë të këtij urdhri do të bëhet identifikimi dhe parandalimi i akteve të ndryshme ndaj vjedhjeve apo dëmtimeve të ndryshme. Karakteristik e këtij urdhri është e vlerësimi apo identifikimi i rrezikshmërisë së veçantë të këtyre objekteve.

‘’Ne i kemi karakterizuar në katër shkallë këto rrezikshmëri , ne shkallën e lartë, të mesme, të ulët dhe objekte të tjera’. tha Shaqiri.

Gjatë muajit shkurtë me vendim te qeverisë policia e Kosovës ka marr përsipër 17 objekte fetare kulturore në të cilat mbulon siguri fizike 24 orë.

Në të ardhmen e afërt pritet që objektet që janë nën sigurinë e KFOR-it të kalojnë në përgjegjësin e policisë së Kosovës u bë e ditur në këtë konferencë.
Në luftimin e dukurive negative që ndikojnë në sigurinë e këtyre objekteve policia i është përgjigjur dhe nuk kanë munguar rezultatet. ‘’Nga 39 të arrestuar ne vitin 2007 , në vitin 2008 ka pas 17 arrestime , ndërsa ne vitin 2009 ka një rënje të dukshme në vetëm 2 raste’’ ka thënë Shaqiri.

Sipas policisë së Kosovës të arrestuarit janë të të gjitha komuniteteve të cilët kanë kryer vepër penale për përfitime personale.
Në kuadër të kësaj konference u bë edhe promovimi i librit ‘’Çka nëse...?’’ i autorit Besim Hoti. Ky libër është përkrahur dhe botuar nga Sindikata e
Policisë së Kosovës , dhe i kushtohet 11 familjeve të policëve të Kosovës të rënë në detyrë.
avatar
Agim Gashi
Administrator
Administrator

Numri i postimeve : 45956
Age : 63
Location : Kosovë
Registration date : 17/11/2008

Shiko profilin e anëtarit

Mbrapsht në krye Shko poshtë

Fillon procesi ndaj 9 të akuzuarve për rrahjen e Mulla Osman Musliut

Mesazh nga Agim Gashi prej Sun Mar 22, 2009 12:03 pm




ATHUA EDHE PROKUROIA ESHTE E KORRUPTUAR NGA WAHABISTET ISLAMIK?
Probleme me wahabista islamik në Kosovë, Shqipëri dhe Maqedoni. Cka bëjnë institucionet?
Ndoshta i kanë korruptuar ose i kanë zënë PICK esdhe ata me infrastrukturën e krijuar me kohë!
Shkelqim Kosova
***
Ndërpritet seanca, prokurori tërhiqet në shenjë proteste
Mulla Osmani e ka quajtur joprofesionale punën e prokurorit, pasi ky i fundit me hetimin e tij nuk ka arritur ta zbulojë se kush kanë qenë personat të cilët saktësisht e kanë goditur. Në shenjë proteste prokurori ka hequr dorë nga lënda dhe e ka lënë seancën dy orë pasi ajo është hapur 19 Mars, 2009

Nëntë të akuzuarit për rrahjen e Mulla Osman Musliut janë deklaruar të pafajshëm, përderisa viktima Mulla Osmani ka thënë se i tërë sulmi ndaj tij ka qenë i përgatitur nga Vehabistët dhe ka pasur për qëllim shkatërrimin e autoritetit të tij, pasi ai vetë ka qenë kundër dhe është kundër këtyre rrymave.
Dy orë pasi ka filluar seanca gjyqësore, ajo është ndërprerë, pasi në fund të dëshmisë së tij Mulla Osmani e ka quajtur joprofesionale punën e prokurorit, pasi ky nuk ka arritur ta zbulojë se kush kanë qenë personat të cilët e kanë goditur. Në shenjë proteste për këto deklarata prokurori ka hequr dorë nga lënda dhe e ka lënë seancën dy orë pasi ajo është hapur.
Aktakuza e prokurorit
Në fillim të procesit prokurori e ka lexuar propozim aktakuzën e tij, e cila e ngarkon Sefedin Gashin, Rrustem Bublakun, Nderim Bublakun, Shefqet Krasniqin, Zeke Bublakun, Arsim Kastratin, Shpejtim Shalën, Gazmend Mehmetin dhe Januz Mehmetin për kryerjen e veprave penale të pjesëmarrjes në rrahje. Sipas prokurorit, me datën 9.1.2009 rreth, orës 11:50, në xhaminë e Zabelit ishte paraparë që të emërohej imami, ishin mbledhur 70-80 persona dhe në momentin kur mulla Osman Musliu ka hyrë në brendësi të xhamisë, Haxhi Amrush Haradini është ngritur në këmbë dhe e ka pyetur turmën me fjalët: "Kush është që Bahri Hoxha të emërohet si imam i kësaj xhamie". Shumica prej të pranishmëve në xhami e kanë mbështetur atë. Sipas propozim-aktakuzës, në atë moment mulla Osmam Musliu ka ndërhyrë duke u thënë njerëzve për ta kryer lutjen më parë dhe pastaj për të diskutuar në lidhje me emërimin e imamit. Mirëpo, në këtë moment, sipas prokurorisë, situata është tensionuar dhe kur pala e dëmtuar mulla Osman Musliu ka tentuar të thërrasë policinë, të pandehurit e kanë sulmuar mulla Musliun, duke i shkaktuar atij lëndime trupore. Pika e dytë e Propozim-aktakuza e ngarkon Nderim Bublakun se ka kryer edhe veprën tjetër penalet, shkaktimit të lëndimeve të lehta trupore, pasi i pandehuri së bashku me persona të paidentifikuar sulmuan fizikisht palën e dëmtuar Bashkim Ibrahimin. Ndërsa për tre të akuzuari Shpëtim Shala, Rrustem Bublaku dhe Nderim Bublaku prokuroria pretendon se janë përgjegjës dhe për sulmet ndaj palës së dëmtuar Nuhi Thaçi, me ç' rast në bashkëpunim kanë kryer vepre penale shkaktim i lëndimeve të lehta trupore.
Rrëfimi i Mulla Osmanit
Pasi të pandehurit janë deklaruar për pafajësinë e tyre procesi ka vazhduar me dëshminë e Mulla Osman Musliut, ky i fundit e ka dhënë dëshminë e tij në cilësinë e dëshmitarit dhe të viktimës. "Një ditë para ngjarjes në mbledhjen e këshilli të bashkësisë Islame e kemi cakut si ushtrues detyrë për në xhaminë e Zabelit Rijad Sofiun" kështu e ka filluar rrëfimin Mulla Osmani. Ai ka thënë se të premten ai së bashku me Rijadin kanë shkuar në xhaminë e Zabelit pak minuta para se të fillonte fjala e Xhumasë. "Në hyrje kanë qenë dy xhematë, të cilët i kam përshëndetur, por ata nuk më kanë përshëndetur. Kam hyrë në xhami dhe e kam vërejtur se Rijadi nuk ishte më afër meje në xhami ka pasur rreth 60- 80 persona të cilët bisedonin në grupe". Mulla Osmani ka vazhduar tutje duke thënë se në momentin kur ka hyrë në xhami Haxhi Amrushi ka qenë i ulur dhe është ngritur në këmbë dhe ka thirrur me zë "xhematë kush është për Bahri Hoxhën" Mulla Osmani tha se i pas kësaj fjali i ka thënë Haxhi Amrushit që ka dalë ta falim një herë xhumanë e pastaj flasim për këto sene, mirëpo ky i fundit, sipas Osmanit, e ka fyer, kurse pastaj është sulmuar."Pas kësaj, ata e kanë marrë edhe Nuhi Thaçin i cili gjatë gjithë kohës ka tentuar të na ndajë dhe e kanë rrahur edhe atë", është shprehur Mulla Osman Musliu.
Gjatë tërë dëshmisë së tij Mulla Osmani nuk ka mundur ta precizojë se kush me saktësi e ka goditur atë. Mulla Osmani ka thënë se personat më agresivë atë ditë në xhami kanë qenë Shefqet Krasniqi, Safedin Gashi, Gazmend Mehmeti Januz Mehmeti dhe Arsim Kastratin.
K. GASHI - Kosova Sot
avatar
Agim Gashi
Administrator
Administrator

Numri i postimeve : 45956
Age : 63
Location : Kosovë
Registration date : 17/11/2008

Shiko profilin e anëtarit

Mbrapsht në krye Shko poshtë

Re: Pasqyra e zezë e trojeve shqiptare

Mesazh nga Agim Gashi prej Mon Mar 23, 2009 11:45 pm

Është arrestuar trafikantja e të miturave



Ekstradohet nga Madridi i Spanjës një 24-vjeçare e shpallur në kërkim për trafikimin e dy gjimnazisteve e mbetur në tentativë. Valmira Mahmutaj nga Berati është ekstraduar ditën e djeshme nga Spanja sepse gjykata e Shkallës së Parë për Krime të Rënda në Tiranë, më datë 12 nëntor të vitit 2006, e ka dënuar atë me 15 vjet burg, për kryerjen e veprës penale të "Trafikimit të të miturve". Ngjarja për të cilën akuzohet e reja ka ndodhur në dhjetor të vitit 2004, kur Mahmutaj në bashkëpunim me persona të tjerë kanë tentuar të trafikojnë dy të mitura në Itali. A.K, dhe M.E më datë 9 dhjetor të vitit 2004, denoncuan në polici se Valmira Mahmutaj, në bashkëpunim me persona të tjerë, nga qyteti i Sarandës kanë tentuar t'i kalojnë ato në Greqi, dhe më pas në Itali. Menjëherë pas denoncimit të dy vajzave, policia nisi hetimet duke bërë të mundur dhe kapjen e Mahmutajt. Për shkak të një sëmundjeje prej së cilës vuante e arrestuara, gjykata vendosi që ajo të qëndronte në arrest shtëpie gjë e cila favorizoi vajzën të arratisej. Ajo u largua nga Shqipëria dhe u shpall në kërkim nga policia. Pak kohë më parë, ishte arrestuar nga policia e Spanjës, e cila njoftoi drejtësinë Shqiptare për të nisur procedurat e ekstradimit të Valmira Mahmutaj, gjë e cila u bë e mundur dje.
avatar
Agim Gashi
Administrator
Administrator

Numri i postimeve : 45956
Age : 63
Location : Kosovë
Registration date : 17/11/2008

Shiko profilin e anëtarit

Mbrapsht në krye Shko poshtë

Re: Pasqyra e zezë e trojeve shqiptare

Mesazh nga Agim Gashi prej Mon Mar 23, 2009 11:46 pm

Mbi 300 automjete të bllokuara në borë

Reshje të mëdha bore edhe në Shqipëri

Mbi 300 automjete udhëtarësh nga zona e Peshkopisë mbetën të bllokuara në Qafën e Buallit deri të shtunën në mbrëmje, ndërsa shtresa e dëborës kishte arritur mbi 60 centimetra. Era e fortë, nisja e menjëhershme e reshjeve të borës ka bërë që zona të bllokohet menjëherë, ndërsa mes pasagjerëve të automjeteve kishte gra, fëmijë, por edhe të sëmurë. Mes të bllokuarve, edhe tre deputetë të parlamentit shqiptar e pikërisht Nard Ndoka, Ndue Shpani e Frrok Gjini. Deri në orët e vona të pasdites bëhej e ditur se vetëm një fadromë po punonte për të pastruar rrugën, ndërsa më pas do t'i vinin në ndihmë edhe dy fadroma të tjera. Sipas kryetarit të Bashkisë së Bulqizës, Roland Keta, në këtë qytet po bëheshin gati hotele private, si dhe familjet në mënyrë që të mund të prisnin fëmijët që ndodheshin në radhët e të bllokuarve, kur të mund të arrihej deri në Qafë. Në mbrëmje situata vazhdonte të ishte e njëjtë, ndërsa traktorë me zinxhirë po punonin. Por, për shkak të erës, në disa vende bora arriti mbi 1 metra, e në disa të tjera edhe mbi 2 metër. Policë në vendngjarje u shprehën se automjetet e ngecura vazhdonin të qëndronin ndezur për shkak të të ftohtit. Por me kalimin e kohës, situata u bë edhe më e frikshme, pasi me mbarimin e karburantit, personat e bllokuar do të kishin probleme. Burime nga blutë u shprehën në mbrëmje vonë se ishin pesimistë se do të arrinin në kohë për të zhbllokuar të gjithë personat. Kështu, bora në automjetet më pranë Qafës së Buallit mësohet se nuk lejonte as hapjen e dyerve, çka ka shkaktuar panik tek pasagjerët që prisnin vetëm shpëtimin. Problem deri në mbrëmje vonë ka qenë edhe Qafë-Ulza, që ndodhet në aksin Milot-Burrel. Aty kishin mbetur të bllokuara mbi 50 automjete. Një fuoristradë e policisë e vënë në dispozicion arriti që të lëvizte njerëzit e sëmurë. Ndërkohë, u mësua se lirimi i rrugës u bë nga krahu që të çon drejt Milotit.
avatar
Agim Gashi
Administrator
Administrator

Numri i postimeve : 45956
Age : 63
Location : Kosovë
Registration date : 17/11/2008

Shiko profilin e anëtarit

Mbrapsht në krye Shko poshtë

Re: Pasqyra e zezë e trojeve shqiptare

Mesazh nga Agim Gashi prej Mon Mar 23, 2009 11:46 pm

Kanë mbetur nën borë 4 të rinj



Familjarët njoftojnë humbjen e kontakteve me 4 të rinj, që ishin nisur drejt Greqisë. Emigrantë mendohet se kanë mbetur të bllokuar mes borës në malet e Korçës. Sipas familjarëve, të rinjtë që i përkasin moshës 16-20 vjeç, kishin dy ditë që ishin nisur, ndërkohë që sot kanë humbur kontaktin me ta. Nisur nga kushtet e këqija të motit familjarët kanë bërë apel për ndihmë, duke kërkuar edhe ndërhyrjen e policisë për shpëtimin e tyre.
avatar
Agim Gashi
Administrator
Administrator

Numri i postimeve : 45956
Age : 63
Location : Kosovë
Registration date : 17/11/2008

Shiko profilin e anëtarit

Mbrapsht në krye Shko poshtë

Re: Pasqyra e zezë e trojeve shqiptare

Mesazh nga Agim Gashi prej Tue Mar 24, 2009 3:54 pm


Lendohet nje polic ne veri te Mitrovices


23.03.2009
Një polic është lënduar me mjete të forta nga katër serbë në veri të Mitrovicës. Sipas një komunikate shtypi, policia kishte në plan të kontrollonte shtëpinë e një serbi në udhëkryqin e ...
... rrugëve “Knjaz Millosh” dhe “Nemanjina” për shkak të reagimit të shqiptarëve se nga shtëpia në fjalë kishte të shtëna me armë zjarri.

“Policia është përballur me gjuajtje të gurëve dhe shisheve të xhamit nga ana e katër personave të dyshuar, të cilët ishin të pranishëm në shtëpi. Një pjesëtar i policisë ka mbetur i lënduar”, thuhet në komunikatë.

Ndërsa policia ka arritur ta kontrollojë shtëpinë, ndërsa pronari i saj është shoqëruar në stacionin policor në veri. /ktv/
avatar
Agim Gashi
Administrator
Administrator

Numri i postimeve : 45956
Age : 63
Location : Kosovë
Registration date : 17/11/2008

Shiko profilin e anëtarit

Mbrapsht në krye Shko poshtë

Re: Pasqyra e zezë e trojeve shqiptare

Mesazh nga Agim Gashi prej Tue Mar 24, 2009 11:46 pm

Vritet një 52 vjeçar, i plagoset edhe vajza






Nga Express më 24.03.2009 në ora 19:23

Në lagjen Ulpiana është vrarë një 52 vjeçar me inicialët F.P, në rrethana ende të pasqaruara. Derisa është plagosur edhe një vajzë 20 vjeçare me inicialet V. P. Sipas dëshmitarëve në vendin e ngjarjes viktima dhe vajza janë babë dhe bijë.

Agron Borovci, zëdhënës i Policisë së Kosovës, për rajonin e Prishtinës konfirmon për Express se F. P ka vdekur, nga lëndimet e rënda që ka pësuar nga gjuajte të një arme, derisa vajza 20 vjeçare V. P është duke u trajtuar në Qendrën klinike Universitaret Kosovës.

Borovci tregon vetëm disa minuta, pasi ka ndodhur vrasja dhe plagosja, policia ka arrestuar një person me inicialet P. A, i cili dyshohet se ka bërë vrasjen.

“Ngjarja ka ndodhur rreth orës 17:15, policia e ka arrestuar një të rinj, 26 vjeçar, për të cilët dyshohet që mund të jetë i implikuar në këtë rast. Edhe kanë konfiskuar një revole të kalibrit 7.65 mm, prodhim gjerman”, shton Borovci.
avatar
Agim Gashi
Administrator
Administrator

Numri i postimeve : 45956
Age : 63
Location : Kosovë
Registration date : 17/11/2008

Shiko profilin e anëtarit

Mbrapsht në krye Shko poshtë

Re: Pasqyra e zezë e trojeve shqiptare

Mesazh nga Agim Gashi prej Tue Mar 24, 2009 11:48 pm

Kosova me 20 shërbime sekrete






Nga Jeton Musliu më 24.03.2009 në ora 13:22

Problemi i terrorizmit dhe lufta kundër tij, po diskutohen të martën në konferencën e policive të shteteve të rajonit, të organizuar nga Ministria e Punëve të Brendshme të Kosovës dhe Ambasada Amerikane në Kosovë.

Në këtë konferencë janë ofruar të dhëna që dëshmojnë se në Kosovë veprojnë së paku 20 shërbime të huaja sekrete dhe më shumë sesa nga popullata brenda vendit, rreziku për terrorizëm mund vjen nga këto shërbime, të cilët kanë interesa të ndryshme si politike ashtu edhe ekonomike.

Po ashtu në këtë konferencë u tha se shtetet duhet pasur kujdes që zyrtarë të Qeverive dhe institucioneve shtetërore të mos jenë pjesë e këtyre organizatave.

Ndërkaq, njëra nga organizatat më të njohura për të cilat është diskutuar ishte edhe “Al-Qaeda”, e cila nga panelistët është marr shembull se si një e tille mund të funksionojë, duke shfrytëzuar më shumë zgjuarsinë sesa paranë.

Me këtë rast, luftimet e fundit në Rripin e Gazës u morën si shembull për ta ilustruar këtë. Derisa, atje zhvillohej konflikti mes Izraelit dhe Hesbullahut, “Al-Qaeda” riorganizonte rrjetin e saj ne Afganistan dhe Pakistan.

Sa i përket shteteve të Ballkanit, problem në importimin e terrorizmit u cilësua veprimtaria e shumë organizata të ndryshme jo qeveritare, për të cilat u tha se policia dhe shërbimet e ndryshme duhet të bashkëpunojnë më ngushtë me bankat, në mënyrë që ato të japin informacione më të hollësishme për xhirollogaritë e tyre dhe transaksionet që ato mund t’i kryejnë.

Konferenca është ende duke vazhduar.
avatar
Agim Gashi
Administrator
Administrator

Numri i postimeve : 45956
Age : 63
Location : Kosovë
Registration date : 17/11/2008

Shiko profilin e anëtarit

Mbrapsht në krye Shko poshtë

Pesë vjet më vonë arrestohet për vrasje

Mesazh nga Agim Gashi prej Thu Mar 26, 2009 10:19 pm

Pesë vjet më vonë arrestohet për vrasje


Nga Express më 26.03.2009 në ora 12:03

I dyshuari 30 vjeçar, M.Isufi, banor i fshatit Klinë e Mesme të Skenderajt, i arratisur që nga viti 2004, i është vetë dorëzuar autoriteteve policore në Skenderaj, rreth orës 14:00min.

Autoritetet policore posedonin urdhër arrestin qendror ndaj të dyshuarit për vepër penale “Vrasje e rëndë” të raportuar të ketë ndodhur më datë 11 shtator 2004, në fshatin Dubeqak të komunës së Skenderajt.
Në rastin e raportuar të vrasjes të vitit 2004, viktima Xhavit Hajrizi, i moshës 40 vjeçar, punëtor i agjensionit të pylltarisë së Kosovës, ishte gjetur i vrarë me armë zjarri.

Veç urdhër arrestit qendror për vepër penale të “Vrasjes së rëndë”, ndaj të dyshuarit, policia e Kosovës posedonte edhe urdhër arrestin e lëshuar nga gjykata komunale në Skenderaj për vepër penale “Vjedhje e pyllit”.

I dyshuari i është dorëzuar hetuesve policor të skuadrës rajonale për hetime të krimeve të rënda ndërsa të njëjtit me vendim të prokurorit publik të prokurorisë së qarkut në Mitrovicë, i kanë caktuar ndalimin policor të dyshuarit deri në përgatitjen e lëndës dhe dorëzimin e tij në prokurorinë e qarkut në Mitrovicë.

I dyshuari do të dërgohet para prokurorisë së qarkut në Mitrovicë, gjatë ditës së sotme, mbi bazën e dyshimit për vepër penale “Vrasje e rëndë” e paraparë në bazë të nenit 147 të kodit penal të Kosovës
avatar
Agim Gashi
Administrator
Administrator

Numri i postimeve : 45956
Age : 63
Location : Kosovë
Registration date : 17/11/2008

Shiko profilin e anëtarit

Mbrapsht në krye Shko poshtë

Humb jetën një 22 vjeçar nga Broja

Mesazh nga Agim Gashi prej Sat Mar 28, 2009 11:50 pm

Humb jetën një 22 vjeçar nga Broja





Nga Express më 28.03.2009 në ora 17:19

Në rrugën lokale në fshatin Izbicë të Skenderajt, ka humbur jetën një person, pas një aksidenti që ka ndodhur në këtë fshat. Në këtë aksident janë përfshirë një automjet civil, një traktor dhe një këmbësor.

“Aksidenti besohet të ketë qenë shkaktuar si pasojë e pakujdesisë së ngasësit 21 vjeçar, të automjetit civil të tipit Volkswagen Golf, i cili fillimisht bën tejkalim të traktorit dhe në atë moment dyshohet se automjeti civil ka goditur rrotën e parme të traktorit me ç’rast humb kontrollin mbi automjetin e tij dhe godet këmbësorin, i cili ishte duke ecur anës së majtë të rrugës”, thuhet në një komunikatë për media.

Sipas policisë, viktima 22 vjeçar, i nacionalitetit shqiptar, banor i fshatit Brojë të Skenderajt, është dërguar urgjentisht në qendrën emergjente në Mitrovicë, ndërsa në bazë të raportit zyrtar të mjekëve kujdestar mësohet se viktima e këtij rasti ka arritur pa shenja jete në qendrën emergjente.

“Prokurori publik i prokurorisë së qarkut në Mitrovicë i cili është paraqitur në vend të ngjarjes ka autorizuar që trupi i pajetë i viktimës, t’i dorëzohet familjarëve të tij. Policia ka identifikuar ngasësin e automjetit civil që dyshohet të ketë shkaktuar aksidentin dhe ndaj të njëjtit me vendim të prokurorit publik është caktuar ndalimi policor për zhvillim të hetimeve të detajuara të këtij aksidenti me pasoja tragjike”, thuhet në këtë komunikatë.
avatar
Agim Gashi
Administrator
Administrator

Numri i postimeve : 45956
Age : 63
Location : Kosovë
Registration date : 17/11/2008

Shiko profilin e anëtarit

Mbrapsht në krye Shko poshtë

Vjedhin para në pikë të ditës

Mesazh nga Agim Gashi prej Sat Mar 28, 2009 11:51 pm

Vjedhin para në pikë të ditës




Të dyshuarit për vjedhjen e 2000 € në një agjenci në Prishtinë shume shpejt pritet të arrestohen. Kjo për shkak se vjedhja është bërë në pikë të ditës dhe se kamerat e agjencisë kanë filmuar fytyrat e të dyshuarave.

Nga më 28.03.2009 në ora 13:46

Dy persona të dyshuar kanë grabitur sot në mengjes dy mijë euro dhe dy telefona celularë në filalen e Western Unionit në Prishtinë. Ata kanë ikur nga vendi i ngjarjes, kurse policia ka gjetur fakte dhe dëshmi për të dyshuarit, të cilët kanë kërcënuar me armë punëtorët e kësaj agjencie.

“Në ora 9.30 në rrugën “Agim Ramadani”, në një prej filialeve të “Western Union” ka ndodhur një grabitje e armatosur. Dy persona të dyshuar të gjinisë mashkullore, nën kërcënimin e armës kanë grabitur nga punëtorja e agjencisë, një shumë prej 2000 euro para të gatshme, dhe dy telefona mobil”, ka bërë të ditur Zëdhënësi i Policisë, Arbër Beka.

Ai nuk ka dashur të jep hollësi më shumë për shkak te hetimeve që janë duke u zhvilluar në kapjen e të dyshuarëve.

Ndërkohë, sipas burimeve të gazetës brenda policisë së hetimeve, bëhet e ditur se të dyshuarit tashmë janë identifikuar dhe se shumë shpejt pritet të arrestohen.

Në kohën kur ka ndodhur grabitja kamerat e agjencisë si dhe dëshmitarët i kanë parë dhe identifikuar të dyshuarit.
avatar
Agim Gashi
Administrator
Administrator

Numri i postimeve : 45956
Age : 63
Location : Kosovë
Registration date : 17/11/2008

Shiko profilin e anëtarit

Mbrapsht në krye Shko poshtë

Re: Pasqyra e zezë e trojeve shqiptare

Mesazh nga Agim Gashi prej Sat Mar 28, 2009 11:52 pm

Goditet për vdekje
Si pasoj e humbjes së kontrollit nga shoferi pëson kalimtari , i cili nga lëndimet e rënda vdes ne spital.

Nga Syzana Frrokaj më 28.03.2009 në ora 11:42

Një kalimtar ka humbur jetën si pasojë e goditjes nga një veturë në Prishtinë. Aksidenti ka ndodhur si pasoj e humbjes së kontrollit të veturës nga vozitësi. Ngjarja ka ndodhur mbrëmë rreth orës 19:50 min ne rrugën ‘’Xheladin Rekaliu’’ në Kryeqytet, derisa vozitësi është dërguar në mbajtje në polici.

Menjëherë pas goditjes viktima është dërguar ne QKUK, por mjekët nuk kanë mundur të bëjë asgjë, pasi viktima ka ndërruar jetë.

Me vendimin e prokurorit trupi i pajetë është dërguar për obduksion
avatar
Agim Gashi
Administrator
Administrator

Numri i postimeve : 45956
Age : 63
Location : Kosovë
Registration date : 17/11/2008

Shiko profilin e anëtarit

Mbrapsht në krye Shko poshtë

Nxënësi me armë në klasë

Mesazh nga Agim Gashi prej Tue Mar 31, 2009 11:44 am

Nxënësi me armë në klasë






Nga J. Musliu më 31.03.2009 në ora 10:32

Nxënësi në shkollën fillore “Isa Boletini” në Rahavec ka shkuar në klasë me pistoletë të tipit TT. Policia e rajonit të Prizrenit njofton se të hënën rreth orës 10 e 30 minuta, ka pranuar një telefonatë nga një nxënës i kësaj shkolle i cili ka dashur të mbetet anonim.

Përmes telefonit nxënësi i ka treguar policisë se në klasën e tij, në orën e mësimit, një nxënës tjetër mbante një pistoletë.

Menjëherë njësiti i policisë së komunitetit nga stacioni policor i Rahavecit, ka shkuar në shkollë dhe fillimisht ka biseduar me drejtorin të cilin e kanë informuar për telefonatën e marrë në lidhje me këtë rast.

Drejtori i shkollës ka ftuar nxënësin për të cilin dyshohej se mbante armën dhe është pyetur për këtë. Në këtë rast, informacioni i marrë ka qenë i saktë sepse nxënësi vërtet e posedonte pistoletën madje edhe një karikator në të cilin është gjetur një fishek i kalibrit 7.62 milimetër.

“Arma është sekuestruar në cilësi të provës materiale ndërsa rasti dhe arma do t’i kalojnë prokurorisë për procedura të më tejme sipas procedurës së rregullt”, ka sqaruar Policia e Kosovës për rajonin e Prizrenit.
avatar
Agim Gashi
Administrator
Administrator

Numri i postimeve : 45956
Age : 63
Location : Kosovë
Registration date : 17/11/2008

Shiko profilin e anëtarit

Mbrapsht në krye Shko poshtë

Re: Pasqyra e zezë e trojeve shqiptare

Mesazh nga Agim Gashi prej Tue Mar 31, 2009 11:45 am

Drogë në autobus


Nga Express më 30.03.2009 në ora 9:29

Policia kroate në Karasovci, ka sekuestruar 25 kilogram marihuanë dhe më shumë se 400 tableta narkotike në një autobus me targa të Kosovës.

Siç njofton agjencia e lajmeve kroate “Hina”, sekuestrimi është bërë në vendkalimin kufitar ndërmjet Malit të Zi dhe Kroacisë.

më tej kjo agjenci sqaron se sasia e narkotikëve është zbuluar ndërmjet të shtunës dhe të dielës rreth orës 20 në vendkalimin kufitar Karasovici.

Marihuana ishte fshehur në bagazhin e autobusit I cili qarkullonte në linjën Pejë-Stuttgart.
avatar
Agim Gashi
Administrator
Administrator

Numri i postimeve : 45956
Age : 63
Location : Kosovë
Registration date : 17/11/2008

Shiko profilin e anëtarit

Mbrapsht në krye Shko poshtë

Kosova aplikon për Europol dhe Interpol

Mesazh nga Agim Gashi prej Thu Apr 16, 2009 12:37 am

Kosova aplikon për Europol dhe Interpol
Megjithatë, numri i njohjeve, 57, nuk jep shpresa për pranim të shpejtë në këto dy organizata

Nga Express më 15.04.2009 në ora 10:42

Në fund të muajit prill, policia e Kosovës pritet të aplikojë për anëtarësim në organizatat e policisë, Interpol dhe Europol. Autoritetet në Prishtinë, thonë se përgatitja profesionale e policisë së Kosovës është e një niveli të lartë, e gatshme për të qenë pjesë e Interpolit dhe Europolit, mirëpo mosnjohja e pavarësisë së Kosovës nga shumë vende të botës, sipas tyre, mund të paraqesë problem për anëtarësimin e policisë së Kosovës në këto organizata.

Kosova po bën përgatitjet e fundit që të aplikojë për anëtarësim në organizatën ndërkombëtare të policisë, Interpol, dhe atë evropiane, Europol. Mirëpo shpresat që policia e Kosovës të jetë së shpejti anëtare në këto organizata tani për tani duken të vogla. Kjo për faktin që Kosova është njohur si shtet vetëm nga 57 vende të botës, ndërsa shumë shtete të tjera anëtare të Inerpolit dhe Europolit nuk e kanë njohur pavarësinë dhe ato e kundërshtojnë anëtarësimin e Kosovës në këto organizata të policisë.

“Janë vetëm votat e shteteve siç e dini ato që nuk e njohin pavarësinë e Kosovës dhe që pengojnë anëtarësimin në Interpol dhe Europol. Prandaj për t'u tejkaluar ky problem duhet një proces politik", thotë ministri Pajaziti.

Policia e Kosovës, që nga themelimi i saj nëntë vjet më parë, ka bashkëpunim me Interpolin dhe Europolin, mirëpo, shkëmbimi i informatave është bërë vetëm përmes një zyre të administratës së Kombeve të Bashkuara. Zëdhënësi i UNMIK-ut, Russell Geekie, thotë se i vetmi mekanizëm që mund të bashkëpunojë me Interpolin, është pikërisht kjo zyrë e UNMIK-ut, e cila edhe më tej do të vazhdojë punën e saj.

“Nuk mund të jap shumë detaje për veprimet e kësaj zyre, por për shembull, ne mund të merremi me Interpolin, meqë UNMIK-u është i vetmi organizëm që mund të bashkëpunojë aktualisht me këtë organizatë”, thotë zëdhënësi Rasell Geekie.

Sipas tij, Zyra Ndërlidhëse e UNMIK-ut për Sundimin e Ligjit tani e tutje pritet të luaj rolin e saj në ato raste, kur Kosova për shembull ka përballje ndërkombëtare me qeveritë që nuk e njohin Kosovën, bashkëpunim me Interpolin, apo edhe me Tribunalin e Hagës. Mirëpo, qeveria e Kosovës nuk është e kënaqur me këtë qasje, sepse ajo nuk dëshiron më që shkëmbimi i informatave të policisë të behët përmes UNMIK-ut, por kjo të behët tani nëpërmes misionit evropian EULEX-it, përderisa nuk ka një zgjidhje tjetër.

“Tashmë edhe këtë pjesë pritet ta ketë misioni EULEX, kjo zyrë do të jetë një kompetencë e rezervuar për misionin EULEX. Nuk kemi çfarë të bëjmë sepse ne duhet ta ruajmë komunikimin tonë me organizatat ndërkombëtare të policisë. Për aq kohë sa nuk jemi anëtarë të këtyre organizatave, nuk kemi zgjidhje tjetër”, thotë ministri Pajaziti.


Ekspertët e çështjeve të sigurisë, thonë se policia e Kosovës është dashur shumë më herët të kompletojë kërkesën për anëtarësim në organizatat ndërkombëtare të policisë. Megjithatë, sipas Nuredin Ibishit, ekspert i çështjeve të sigurisë, vetëm shkëmbimi i drejtpërdrejtë i informatave të policisë së Kosovës me organizatat ndërkombëtare të policisë mund të tregojë efekte në luftimin e krimit.

“Bashkëpunimi i policisë së Kosovës nëpërmjet zyrës se UNMIK-ut, më vonë ndoshta nëpërmes zyrës se EULEX-it, do ta vështirësojë punën e policisë në efikasitetin e saj. Probleme mund të paraqiten sidomos pas miratimit të ligjit për policisë dhe Kushtetutës së Kosovës, të cilat policinë e Kosovës e shpallin të pavarur. Prandaj është shumë e rëndësishme që shkëmbimi i informatave i policisë së Kosovës të behët drejtpërdrejt me Interpolin dhe Europolin”, thotë Nuredin Ibishi.

Europoli, apo Zyra e Policisë Evropiane, është bërë plotësisht funksionale në vitin 1999. Ndërkaq, Interpoli, apo Organizata Ndërkombëtare e Policisë, më 1923. Që të dyja këto organizata si detyrë parësore kanë lehtësimin e bashkëpunimit ndërkombëtar të policisë në luftimin e krimit. (DW)
avatar
Agim Gashi
Administrator
Administrator

Numri i postimeve : 45956
Age : 63
Location : Kosovë
Registration date : 17/11/2008

Shiko profilin e anëtarit

Mbrapsht në krye Shko poshtë

Tre veta plagosen nga granata në Dardanë

Mesazh nga Agim Gashi prej Thu Apr 16, 2009 12:39 am

Tre veta plagosen nga granata në Dardanë





Nga Express më 14.04.2009 në ora 17:26

Tre banorë të fshatit Kopernicë të Dardanës kanë marrë lëndime të rënda nga shpërthimi i një bombe, që besohet të jetë fshehur shumë vite më parë, derisa ata ishin duke punuar rreth një muri, njoftoi policia.

Lëndimet e rënda të tre banorëve të Kopernicës i konfirmuan edhe mjekët e Spitalit në Gjilan, ku janë dërguar të lënduarit. Dy nga ta, më pas janë transportuar për në Qendrën Klinike Universitare në Prishtinë për shkak të lëndimeve të rënda, raporton KosovaLive.

Zëdhënësi i policisë në Gjilan, Ismet Hashani, saktësoi se rasti ndodhi të martën rreth orës 08:45, kur dy punëtorë, qytetarë të Kopernicës ishin duke punuar në rrënimin e një muri, rrethoje të oborrit.

Nga shpërthimi i granatës janë lënduar dy punëtorët dhe një kalimtar i rastit. Besohet se nga kureshtja, njëri nga punëtorët ka prekur mjetin, i cili ka eksploduar, duke i shkaktuar atij lëndime të rënda trupore, punëtorit tjetër dhe kalimtarit.

Hashani tha se sipas raportit të mjekut, njëri nga të dërguarit në QKUK ka lëndime serioze, por besohet të jenë jashtë rrezikut për jetë.

Drejtori Spitalit Rajonal të Gjilanit (SRGJ), Xhavit Hajdari, bëri të ditur për KosovaLive se në emergjencën e këtij spitali janë pranuar tre meshkuj me lëndime të rënda. Ai tha se njëri nga pacientët me amputim të duarve dhe tjetri me lëndime në kokë janë dërguar në QKUK, kurse tjetri që ka lëndime të rënda po trajtohet këtu.

Në vendin e ngjarjes kanë dalë njësitet e hetimeve rajonale, prokurori dhe njësitet e KFOR-it për çminim, të cilët kanë konstatuar se në këtë rast bëhet fjalë për granatë dore të vjetër e llojit italian, e cila dyshohet të ketë mbetur aty qe shumë vjet.
avatar
Agim Gashi
Administrator
Administrator

Numri i postimeve : 45956
Age : 63
Location : Kosovë
Registration date : 17/11/2008

Shiko profilin e anëtarit

Mbrapsht në krye Shko poshtë

Gjakovë, vret ortakun e tij në biznes

Mesazh nga Agim Gashi prej Tue Apr 21, 2009 10:02 pm

Gjakovë, vret ortakun e tij në biznes


Nga më 21.04.2009 në ora 15:26

Arianit Xharravina nga Gjakova ka ndërruar jetë në Qendrën Klinike Universitare e Kosovës (QKUK) në Prishtinë, dy ditë pasi që ishte plagosur nga ish-partneri i tij afarist, Labinot Doli, i cili pasi ka kryer veprën është dorëzuar vetë në polici dhe ka sjellë me vete edhe armën.

Zëdhënësi i policisë rajonale të Pejës, Avni Gjevukaj, konfirmoi të martën se plagosja ka ndodhur të shtunën si pasojë e një fjalosje mes 33-vjeçarit, tash të ndjerë, dhe 31-vjeçarit të dyshuar, për shkak të një kontesti pronësor.

I plagosuri, sipas policisë, është dërguar menjëherë në Spitalin e Gjakovës, por për shkak të plagëve të rënda ai është transportuar urgjentisht në QKUK në Prishtinë, ku të hënën pasdite ka vdekur.

“Pasi ka kryer veprën, i dyshuari është vetëdorëzuar në polici, ku ka dorëzuar edhe revolen më të cilën dyshohet se është kryer vepra”, tha togeri Gjevukaj.

Megjithëse policia nuk i ka bërë publike identitetin e tyre dhe motivet e mundshme për fjalosjen e përfunduar në tragjedi, burime brenda policisë tregojnë se i vrari, Arianit Xharravina dhe i dyshuari për këtë vrasje, Labinot Doli, më herët kanë qenë partnerë afaristë, dhe duket që nga ajo kohë kanë mbetur të paqartësuara mes tyre aspektet afariste. (KosovaLive)
avatar
Agim Gashi
Administrator
Administrator

Numri i postimeve : 45956
Age : 63
Location : Kosovë
Registration date : 17/11/2008

Shiko profilin e anëtarit

Mbrapsht në krye Shko poshtë

Vidhet xhamia

Mesazh nga Agim Gashi prej Tue Apr 21, 2009 10:03 pm

Vidhet xhamia


Nga më 21.04.2009 në ora 14:36

Imami i xhamisë në Korishë ka informuar policinë në Prizren se nga xhamia ku ai shërben, persona të panjohur kanë vjedhur aparatin për zmadhuesit e zërit.

Për të arritur deri të aparati, i dyshuari kishte thyer një xham të një dritareje dhe përmes saj ka depërtuar në brendësi të xhamisë, njofton policia nëpërmes një komunikate për shtyp.

Policia ka nisur hetime ndërsa lut qytetarët që mund të kenë ndonjë informacion sado të vogël të ndihmojnë për identifikimin e hajnave.
avatar
Agim Gashi
Administrator
Administrator

Numri i postimeve : 45956
Age : 63
Location : Kosovë
Registration date : 17/11/2008

Shiko profilin e anëtarit

Mbrapsht në krye Shko poshtë

Re: Pasqyra e zezë e trojeve shqiptare

Mesazh nga Sponsored content


Sponsored content


Mbrapsht në krye Shko poshtë

Faqja 1 e 11 1, 2, 3 ... 9, 10, 11  Next

Shiko temën e mëparshme Shiko temën pasuese Mbrapsht në krye

- Similar topics

 
Drejtat e ktij Forumit:
Ju nuk mund ti përgjigjeni temave të këtij forumi